美容扮靚今日: 36|主題: 136688

收藏本版

發帖

返回列表

跳至頁

查看: 83014 | 回覆: 2597

【12/12/2014更新*】5個半月成功減磅後竟然再輕 (共減40磅!!)

12 3 4 5...130

積分: 25407

hashtag影視迷勳章趣教勳章畀面勳章

1^#

發表於 13-8-25 11:03 |只看該作者 |倒序瀏覽 |打印

本帖最後由 secrethk 於 14-12-12 11:47 編輯

*** (太多人問/PM叫我講我醫生資料, 我果個唔係減肥醫生, 係另一D專科醫生及正常中醫調理, 佢地唔幫人睇減肥0架~ 唔好再PM我喇~ 再PM我一律不再回應, THANKS :D ) ***

見到一個POST, 有JM話忍唔到口, 懶做運動, 其實自己忍到, 忍一段時間就習慣~ 而且唔需要飲/食D咩減肥產品~
我以前好多年都係忍唔到口, 食零食~ 冇做運動~

以下係我的起心肝, 我自己最近親身經歷 :

我做BODY CHECK, 話我體重過左最高個數字, 而低密度膽固醇都過左最高0.X%, 依家我頭3星期減左7 LBS, 肚腩偏左一半以上, 企響度時著衫俾風吹貼個肚都唔見左肚腩 (當然未消晒晒, 但似扁左咁), 感覺好開心, 而我食野改變左, 但我個有營養師牌0既醫生教我大約點食, 睇我每日寫食大D咩, 都話我都冇缺少食邊樣, 均衡~ 仲讚我叻添~^^

以前好多年我都懶做運動, 跑步對我個心唔舒服, 更懶, 依家每日響家做20-30分鐘不等運動, 唔做都唔安樂添~

只要忍到口, 過左忍0既難關, 就好EASY KEEP GOING 0架喇~ 依家我會再三星期後再磅下有幾多少左~ (不過我醫生話初頭減得快, 因為係走左D多餘0既水~ 跟住會慢左, 但只要我繼續, 咁我好0既膽固醇會上升返, 佢都話我瘦左呢~ 連PAT PAT佢都覺有少少細左~ (我個HIP位一直都較大)

我醫生話我有佢, 我慳返幾千蚊俾出面營養師0既費用~ XD 我真係好多謝佢0架~
我會再繼續分享我八月尾/九月初再磅重輕幾多俾各JM知, 大家加油~

=========================================================

27/09/2013 (減磅行動實施兩個月) ***

我自己冇買磅, 只係去中醫覆診時磅, 感覺唔好日日/每星期磅會開心D~ XD

噚日去睇中醫, 好緊張, 一上磅, 見指針再跌, 比9月初我上磅再減5磅, 由我7月尾開始到今日兩個月, 足足前後減左16磅, 好開心~ (我仲有少少唔相信再上磅兩次去確認下~ XDD) 所以幾星期先去磅一次我會覺得開心過日日/每星期磅~

我仍然係保持每日響屋企做30分鐘運動, 戒食會肥0既野, 戒絕零食習慣左就會有成效, 唔駛依靠任何減肥藥或俾錢去減肥~!

以前咁多年都懶做運動, 戒又戒唔得徹底, 依家忍到口, 原來都唔困難~ (雖然有時好想食其他野~ 所以隔一段時間會安慰下自己食少量甜食~ XD)
=========================================================

23/10/2013 (減磅行動實施三個月) ***

轉眼間三個月喇, 今日去中醫度, 上磅一見, 好開心, 以為眼花仲上落3,4次 XD

呢個月又減左6磅, 我前後到依家三個月足足減左22磅, 仲差4磅就可以到達同我免費營養師共同指標了!! 不過我仲有少少貪心再可以減多幾磅都停, 跟住要指教點KEEP住磅數飲食, 又係另一個課堂了!

依家照鏡側身, 真係瘦左好多好多~ 原來瘦左, 個肚腩扁左, 出街係有返自信心, 唔駛再著D大碼鬆身T SHIRT!

噚日我第一次減肥後買衫, 終於可以買返中碼T SHIRT, 唔駛要大碼遮住晒身形, 好開心^^

我會繼續加油~ 再達指標跟住再KEEP ^^
=========================================================

23/11/2013 (減磅行動實施四個月) ***

四個月喇~!!! 再去中醫個磅磅重, 依家四個月合共減左28磅 !! ^O^ 好開心!

我免費營養師醫生上星期話我其實最FIT最好再減5-10磅, 依家仲欠8磅 (以10磅計), 佢話我其實依家都可以停, 不過再減多少少就更好, 再修埋少少大腿就PERFECT XD (但呢個我覺得呢個仲難).

估唔到當初醫生講睇好我可以減1X-20磅, 依家差2磅就減30磅了!!

唔知會唔會2013年內完成晒指標, 跟住到KEEP磅數呢 ^^ 我會再向大家分享~
=========================================================

31/12/2013 (減磅行動實施五個月) ***

今個月因為生日月, 所以有幾日唔可以乖乖清淡, 所以呢一個月減磅數字係少好多, 但五個月合共減左32磅了!!

呢個月上半月係冇減到, 有少少傷心, 好在得到醫生同呢度JM (LAM) 鼓勵, 響下半月繼續回落, 噚日睇中醫上磅好驚, 一見有跌開心返晒 ^O^!!

我個免費營養師醫生話可以停都得, 但最好就再減多5磅就PERFECT了! (要求好嚴格 @@")
佢話見我覆診睇返佢專科時, 都繼續見我瘦緊同SLIM左, 腰形都出埋0黎~ 由佢口中讚特別開心~ XD

原本諗住可以2013年前完成, 因為12月生日, 我諗要新年前先可以完成了, 我會繼續努力!!

=========================================================

9/1/2014

12月尾至1月初, 發現減磅數字變慢了, 不過JM們及醫生都話唔駛擔心, 仲會有得跌~ 而我個免費營養師顧問醫生終於話我其實可以停了 (截至9號, 118磅, 原本醫生話PERFECT 115磅更完美) , 叫我食返多D野俾佢睇下情況, 要開始學下KEEP磅~ (不過我仲係想去到115呢~ )

=========================================================

14/1/2014 (減磅行動實施5個半月) *** 完美修身成功 ***

今日感冒, 9/1 去睇中醫時係118磅, 今日睇完諗住順手磅下~ 點知呢四日突然再跌3磅, 依家到左終極目標 --- 115磅!!! 5個半月以來合共減左36磅 !! (由原有151磅減至115磅 , 數字都係呢3個數字, 但中間同尾互調差好遠

)

過兩天去專科覆診時, 睇睇我個顧問醫生有咩教我KEEP磅!! 我仍然會繼續更新! \^O^/

祝各位JM 都馬到功成~~

=========================================================
個人資料 :

(2013年6月27日)
減磅前 : 腰35吋多D (88CM), 151磅 (68.5KG)

(2014年1月27日)
達標後 : 腰28-29左右 , 115磅
千年肚腩消失晒, 大PATPAT細左一半, 全身無乜多餘脂肪 (嚴格就大腿內側就仲有少少)

(2014年4月2日)
完美達標後，要食返正常，要食量多返，但又唔可以重返，仲辛苦過減肥
磅數 : 115/116磅 (醫生話上下唔差太多無乜問題，主要我身型無肥到，重返都係水份或肌肉都無問題)

(2014年5月7日)
完美達標後，要食返正常，要食量多返，但又唔可以重返，仲辛苦過減肥
磅數 : 112.5 - 113磅 (KEEP住左兩星期有多都係少左，以為過多個星期果少少磅數上返，都無，其實我食多返好多，甜品又食，醫生叫我再加返多啲澱粉質)
2014. 04. 01 - 新加插成功達標後拍下小腿一POST
內文參見 : [請按此]

(2014年6月6日)

控制食量真係一件麻煩過減肥0既功課，未知係壓力問題定食得未夠多，但我已經一星期幾次食甜品，食正餐都多左份量同內容，觀察兩星期結果後～
磅數 : 111-112磅 (已經KEEP住呢個數兩星期喇....)

(2014年12月12日)

因為太多人講我太瘦了，所以努力加返一點肉，現在長期保持水準，我的免費顧問醫生也同意我這個磅數，不要跌下去～
磅數 : 115磅