夫婦情感 今日: 13 | 主題: 42443

積分: 1469

1^#

發表於 21-5-3 16:04 |只看該作者 |倒序瀏覽 |打印

老公平日脾氣唔係特別好, 個人好易忟憎, 但唔發脾氣果陣其實無乜野, 對我同我屋企人仲非常之好, 平日如果佢覺得自己做錯野, 佢就算俾人話, 俾人鬧, 都唔會駁咀, 正所謂錯就認, 打就企定果種人。
但佢一發脾氣, 佢就唔俾人同佢講道理, 佢只會覺得自己啱晒, 我無論點解釋, 佢都唔會接受, 好似我一定要認錯咁, 但有時候我覺得自己真係無錯, 佢會失控講野勁大聲, 係咁鬧鬧鬧, 如果我再唔認錯, 佢就會嬲到打自己同會掃晒D野落地下發洩, 不過佢就算再嬲都唔會打我,但通常我見佢打自己, 我就會立即道歉, 但之後其實我條氣都唔係好順, 好似被逼道歉咁, 不過佢除左鬧我之外, 其他人就算講錯野或激嬲佢, 佢都唔會點發脾氣, 所以身邊人成日都話佢脾氣好。

不過我有苦自己知, 一直相處其實覺得有少少辛苦, 因為我真係好驚自己唔知幾時講錯野, 幾時得罪佢又俾佢鬧! 佢仲要係咆哮式咁鬧, 根本唔夠佢惡!

其實平日唔鬧交果陣都會同佢傾下佢依個問題, 都有同佢講過自己感受, 佢話佢會改下, 佢試過唔鬧我, 但面黑左3日, 我同佢講野佢會應我, 我同佢講對唔住佢會話佢無野, 但仍然繼續黑面, 結果佢都係鬧爆我先可以無事。

每次鬧交既事都係好芝麻綠豆既事, 所以我好易踩地雷!!! 例如我跌左野落地下, 我執番上黎, 佢就會鬧我點解唔等佢執, 我整跌左野本能上自己執番佢都會話我, 未有疫情之前已經係咁, 我話我整跌野自己執番有咩問題, 就係我駁咀, 我就要道歉先可以平息佢怒火, 總之就係好少既事佢都會嬲

想請教各位朋友有冇咩方法可以勸下佢唔好咁大脾氣, 我真係頂佢唔順, 鬧親交我對耳仔好受罪同埋我個心會俾佢嚇到狂跳。最重要係唔想成日都道歉! 但唔道歉又會鬧交, 好煩!

0 0 0

私人傳訊

pretty_cat

積分: 18507

2^#

發表於 21-5-3 16:42 |只看該作者

回覆樓主:

你c6自己錯會認錯都好，我果個係唔會。
你果個同我果個好似，情緒差，容易發脾氣，唔聽道理唔認錯，如果我果個同佢講佢既錯處想死頂啦，
我既做法係，佢癲，我唔會理佢，亦唔會同佢解釋，由佢自己下火。

我都成日頂佢唔順，等佢自己下火，其實係無得幫，自己要去正視。

心情不好就自己出去行下發洩下

私人傳訊

0030

侯爵府

積分: 24953

認識瑞士牛牛第二回認識瑞士牛牛第一回

3^#

發表於 21-5-3 16:55 |只看該作者

他一發爛渣就馬上離開現場，由得他發顛～不爭辯，不解釋，不道歉～

私人傳訊

sailorkitty

男爵府

積分: 8822

畀面勳章

4^#

發表於 21-5-3 16:55 |只看該作者

你果個會認錯已經好難得，我果個錯左仲鬼咁多藉口推卸責任，覺得係人地錯先令佢錯

男人做到咁無膊頭，咁無承擔

私人傳訊

積分: 1469

5^#

發表於 21-5-3 17:36 |只看該作者

回覆 sailorkitty 的帖子

咁哩樣野我老公係幾好, 佢係一個會認錯既人, 佢自己做得唔好既野, 佢自己會主動同我道歉先, 有時我根本唔覺得佢做錯, 但問題就係佢想我同佢一樣, 做錯左就主動道歉, 如果我真係做錯, 我道歉係無問題, 但可惜我成日都唔知自己做果樣野係錯呢.....有時芝麻綠豆既事邊有分對錯喎!
啱啱又諗到個例子就係我同佢有次搭的士, 咁佢落車先, 我就跟住落, 落完我就順手閂門, 跟住佢就話我點解唔等俾佢閂門, 我話我順手, 跟住佢就嬲喇, 我廢事喺條街嘈, 就同佢道歉了事, 跟住佢都無野。

我每日都好驚自己唔知會喺佢面前做錯D乜, 搞到壓力好大, 有時放工都唔太想返屋企。

私人傳訊

肥肥寶

積分: 17377

6^#

發表於 21-5-3 17:52 |只看該作者

manandyin 發表於 21-5-3 17:36
回覆 sailorkitty 的帖子

咁哩樣野我老公係幾好, 佢係一個會認錯既人, 佢自己做得唔好既野, 佢自己會主動 ...

佢係咪有強迫症？

私人傳訊

pretty_cat

積分: 18507

7^#

發表於 21-5-3 19:32 |只看該作者

manandyin 發表於 21-5-3 17:36
回覆 sailorkitty 的帖子

咁哩樣野我老公係幾好, 佢係一個會認錯既人, 佢自己做得唔好既野, 佢自己會主動 ...

我都係咁，唔知幾時做錯講錯得罪佢，所以小說話，做好自己就算，明知佢夾硬搵野講，就廢事回應佢。

私人傳訊

opclk99

禁止訪問

積分: 62811

2024勳章虎到金來勳章

8^#

發表於 21-5-3 21:13 |只看該作者

提示: 作者被禁止或刪除內容自動屏蔽

私人傳訊

終極熊貓

珍珠宮

積分: 38857

9^#

發表於 21-5-3 23:32 |只看該作者

有情緒病，一齊睇醫生正視去打低去

私人傳訊

evafung

積分: 3287

10^#

發表於 21-5-3 23:58 |只看該作者

回覆樓主:

以前拍拖他是否咁樣架？好難相處喎。有沒有其他親友或家人可以幫你同c6講下佢有這樣行為會令身邊的人好辛苦㗎。

私人傳訊

simpleAA

積分: 15183

2024年龍年勳章牛年勳章

11^#

發表於 21-5-4 00:41 |只看該作者

manandyin 發表於 21-5-3 17:36
回覆 sailorkitty 的帖子

搭的士, 咁佢落車先, 我就跟住落, 落完我就順手閂門, 跟住佢就話我點解唔等俾佢閂門...

其實你都冇錯，你有冇問下佢你錯响邊，佢似乎好執著幫你做野，你要了解下佢先有得傾

私人傳訊

ting3e

別墅

積分: 936

12^#

發表於 21-5-4 00:54 |只看該作者

simpleAA 發表於 21-5-4 00:41
其實你都冇錯，你有冇問下佢你錯响邊，佢似乎好執著幫你做野，你要了解下佢先有得傾
...

認同樓主要同佢傾下

私人傳訊

PhoebeChan333

男爵府

積分: 7317

13^#

發表於 21-5-4 03:13 |只看該作者

佢做野壓力好大？

私人傳訊

積分: 1469

14^#

發表於 21-5-4 11:26 |只看該作者

evafung 發表於 21-5-3 23:58
以前拍拖他是否咁樣架？好難相處喎。有沒有其他親友或家人可以幫你同c6講下佢有這樣行為會令身邊的人好辛苦 ...

以前拍拖果陣佢都好照顧我, 而且對我屋企人好好, 喺我屋企食飯會幫手煮飯同洗碗, 樣樣野都會幫我地去做,結婚頭幾年都無乜野, 後來唔知點解會變成咁

私人傳訊

積分: 1469

15^#

發表於 21-5-4 11:29 |只看該作者

回覆肥肥寶的帖子

強迫病聽人講得多, 但我唔知佢依種係唔係, 上網睇下有咩病徵先!! THANKS

私人傳訊